Loading...
Heim 2017-04-02T12:24:13+00:00

Við sérhæfum okkur í lagningu á gólf- og veggefnum

Ekkert verk er of stórt eða of lítið fyrir þaulvana og reynslumikla starfsmenn okkar. Hafðu samband og fáðu tilboð í þitt verk.

Sýndarherbergi fyrir veggfóður

Hér getur þú valið mismunandi herbergi og mátað á veggina ólík veggfóður.

Loading...

Þegar þú hefur fundið veggfóður sem þér líst vel á, þá hefur þú samband við okkur. Við útvegum veggfóðursprufur, pöntum fyrir þig veggfóðrið og setjum það upp.

Að Dalvegi 16 d erum við einnig með gallerí þar sem má koma og skoða veggfóðrin. Sjá nánar undir Veggfóður.is.

Veggfóðrin okkar

Hér má sjá sýnishorn af veggfóðrunum okkar sem eru frá Duro.

Saga þriggja ættliða veggfóðrara- og dúklagningameistara

Einar Beinteins ehf. byggir á þriggja kynslóða reynslu í veggfóðrun og dúkalögn, en afi minn, Ásgeir Valur Einarsson, hóf nám í veggfóðrun og dúkalögn hjá Sveinbirni Ögmundssyni árið 1928.

Á árunum í kringum 1930 og fram eftir öldinni var mikið veggfóðrað og oft voru veggir klæddir með hessían striga sem var strengdur á veggi horn í horn og pappír límdur yfir, en því næst var málað eða veggfóðrað yfir. Hessían striginn var mikið notaður til að klæða innveggi í timburhúsunum sem þá voru mjög algeng. Einnig eru dæmi um að hann hafi verið notaður sem klæðning yfir timburveggi í steinhúsum. Gólfefni voru undantekningalaust linoleum. Á þessum árum var ekki algengt að iðnaðarmenn hefðu bíla til afnota. Afi minn fór t.d. um bæinn á reiðhjóli með límfötuna á stýrinu og verkfærin á bögglaberanum og veggfóðraði og dúkalagði fyrir bæjarbúa.

Faðir minn, Beinteinn Ásgeirsson, hóf svo nám hjá föður sínum árið 1947 og starfaði í faginu í 57 ár eða þar til hann hætti störfum um áramótin 2004.  Hann rak um árabil fyrirtækið Dúkó sf.

Ég hóf svo að læra fagið árið 1977, en þar áður hafði ég unnið töluvert með skólanum, bæði með afa og pabba. Ég fékk meistararéttindi árið 1988 og hef starfað sjálfstætt síðan. Ég er þriðji ættliður í þessari iðngrein og tel mig búa yfir mikilli reynslu og þekkingu á sviði gólf og veggefna.

Ég hef reynslu af gömlum og nýjum vinnuaðferðum og efnum sem spanna 76 ár í sögu veggfóðrunar og dúklagninga.

Einar Beinteinsson
Dúklagninga- og veggfóðrarameistari

Einar Beinteinsson
Einar BeinteinssonDúklagninga- og veggfóðrarameistari
Beinteinn Ásgeirsson
Beinteinn ÁsgeirssonDúklagninga- og veggfóðrarameistari
Óska eftir tilboði í verk